Италияда мафия билан алоқадор 45 киши қўлга олинди

Қўлга олинганлар товламачилик, тамагирлик, пул ювишда гумонланмоқда. Улардан олти миллион евро мусодара қилинган.

Фото: Ansa

Италияда ҳуқуқни муҳофаза қилиш органлари томонидан ўтказилган иккита махсус амалиёт давомида Ндрангета мафиясининг 45 нафар аъзоси қўлга олинди, деб хабар берди ANSA.

Хабарда айтилишича, биринчи операция чоғида 28, кейинги операцияда яна 17 киши қўлга олинган.

Қўлга олинганлар товламачилик, тамагирлик, пул ювишда гумонланмоқда.

Улардан олти миллион евро мусодара қилинган.

Мафия гуруҳига қарши суриштирув ишлари уч йил аввал бошланганди.

Аввалроқ Италия полицияси Ндрангета гуруҳига қарши ўтказган махсус амалиёт давомида мамлакатнинг 7 шаҳрида 49 кишини қўлга олганди.