Афғонистон қуролли кучлари базасида кучли портлаш рўй берди

Фото: Reuters

Ғазни вилоятида жойлашган Афғонистон қуролли кучлари базасида кучли портлаш содир бўлди, деб хабар берди “РИА Новости” ахборот агентлиги.

Портлаш Урузган ҳудудидаги ҳарбий базада содир бўлган. Манбага кўра, портлаш тўлқини шунчалик кучли бўлганки, у яқин атрофдаги уйларни вайрон қилган. Маҳаллий маъмурият қурбонлар ҳақида маълумот бермаган.

Гувоҳларнинг таъкидлашича, портлаш “Толибон” радикал ҳаракати жангарилари томонидан тайёрланган. Тахминларга кўра, улар базага туннел қазиб, у ерда портловчи моддаларни қўйган бўлишлари мумкин.