Финляндияда коронавирус тарқалиши авж олганлиги сабабли фавқулодда ҳолат жорий этилди

Охирги икки ҳафта давомида мамлакатнинг қатор ҳудудларида коронавирус юқтириш ҳолатлари сони жадал ўсиши кузатилмоқда. Лапландиянинг тоғли курортларида ҳамда қурилиш майдонларидаги ишчилар орасида касалланиш ҳолатлари кўпайган.

Фото: AP

Финляндия ҳукумати мамлакатда коронавирус тарқалиши авж олганлиги сабабли фавқулодда ҳолат жорий этди, деб хабар берди Reuters.

Пандемия бошлаганидан буён Финляндия 58 мингдан ортиқ ҳолат қайд этилган, 742 нафар бемор вафот этган.

Мамлакатда 1 мартдан чекловлар кучайтирилди. Эпидемиологик вазият нохуш ҳудудларда сауна ва бассейнлар, спортзал ва фитнес-клублар ёпилди, деб хабар бермоқда Yle портали. Юқори синф ўқувчилари масофадан ўқишга ўтказилди, 12 ёшдан катта болалар учун мактабдан ташқари машғулотлар бекор қилинди.

Порталнинг маълумот беришича, ҳукумат 8 мартдан 28 мартгача уч ҳафталик локдаун жорий этишни режалаштирмоқда.

Тайёрлаган Дилшод Аскаров

#Финляндия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.