WhatsApp'нинг десктоп версиясида овозли ва видеоқўнғироқларни амалга ошириш имконияти пайдо бўлди

Ушбу функциядан Windows ва Mac компьютерлари фойдаланувчилари фойдаланишлари мумкин. Илгари овозли ва видеоқўнғироқларни мессенжернинг мобил версиясидагина амалга ошириш мумкин эди.

Фото: Shutterstock

WhatsApp компьютер учун мўлжалланган версиясида овозли ва видеоқўнғироқлар функциясини жорий этди. Бу ҳақда Engadget хабар бермоқда.

Нашрнинг ёзишича, ушбу функциядан Windows ва Mac компьютерлари фойдаланувчилари фойдаланишлари мумкин. Илгари овозли ва видеоқўнғироқларни мессенжернинг мобил версиясидагина амалга ошириш мумкин эди.

WhatsApp дастурчиларининг сўзларига кўра, кейинги йилларда бир-бири билан мессенжер орқали мулоқот қиладиганлар сони сезиларли даражада кўпайган.

Янгиланиш муаллифлари келгусида мессенжернинг компьютер учун мўлжалланган версиясида янги функциялар, масалан, гуруҳли аудио ва видеочатлар жорий этилишини ваъда қилмоқда.

Тайёрлаган: Дилшод Аскаров

#WhatsApp