АПЛ. «Юнайтед» «Манчестер дербиси»да «Сити»нинг 21 ўйинлик ғалабали сериясига барҳам берди
Англия Премьер-лигаси 27-тури доирасидаги марказий учрашув «Манчестер Сити» ҳамда «Манчестер Юнайтед» ўртасида кечди.
«Манчестер дербиси»даги пешқадамлар ўртасидаги баҳснинг 1-дақиқасидаёқ Марсияль пенальти ишлади ва Бруну Фернандеш чемпионатдаги 16-голини киритиб, «Юнайтед»ни ҳисобда олдинга чиқарди – 0:1.
Иккинчи бўлимнинг бошида эса фарқ иккитага ошди. 50-дақиқада дарвозабон Ҳендерсон бошлаб берган ҳужумни Шоу жарима майдони яқинигача олиб бориб, Рэшфорд билан комбинация уюштирди ва чап оёқда Эдерсоннинг узоқ бурчагини аниқ нишонга олди – 0:2.
Ушбу голдан кейин Гвардиола шогирдлари ҳужумкорликни оширган бўлишига қарамай, Сульшер жамоаси ҳимояда ҳам яхши ҳаракат қилиб, якунда муҳим ғалабага эришиб, 54 очко билан 2-ўринга қайтди. «Сити» эса 65 очко билан 1-ўринда бормоқда.
Ушбу ғалаба билан «МЮ» «Манчестер Сити»нинг 21 ўйинлик ғалабали сериясига чек қўйди.
АПЛ. 27-тур.
Манчестер Сити – Манчестер Юнайтед 0:2
Голлар: 0:1 – 2, пенальти Бруну Фернандеш, 0:2 – 50 Шоу.
Манчестер Сити – Эдерсон, Жоау Канселу (Уокер, 65), Стоунз, Рубен Диаш, Зинченко, Родри, де Брюйне, Стерлинг, Гундўған, Маҳрез, Габриэл Жезус (Фоден, 70).
Манчестер Юнайтед – Ҳендерсон, Линделеф, Шоу, Магуайр, Уан-Биссака, Фред, Бруну Фернандеш, Мактомини, Жеймс, Марсьяль, Рэшфорд (Гринвуд, 73).
Мавзуга оид
12:39 / 24.10.2024
«Барса» қасос олди, Ҳоланддан космик гол. ЕЧЛда кун ўйинлари
12:00 / 13.10.2024
«Футболчи бўлишдан мақсадим «Феррари» миниб юриш бўлмаган» — Бирорта суперюлдузга ўхшамайдиган Родрининг ҳикояси
12:23 / 02.10.2024
«Арсенал» «ПСЖ»га имкон қолдирмади, «Барса» ва «Сити» истаганча гол урди. ЕЧЛда кун ўйинлари
11:34 / 30.09.2024