ЖССТ коронавирусга қарши учинчи вакцинани маъқуллади

Фото: Picture Alliance

Жаҳон соғлиқни сақлаш ташкилоти Johnson & Johnson компаниясининг коронавирусга қарши вакцинасидан шошилинч ҳолатларда фойдаланишни маъқуллади.

«Коронавирусга қарши курашишда ҳар бир хавфсиз ва самарали янги восита билан пандемия устидан ғалабага бир қадам яқинлашамиз», – деди ЖССТ бош директори Тедрос Аданом Гебрейесус.

Препарат ЖССТ томонидан маъқулланган учинчи вакцина бўлди. Ташкилот 31 декабрда Pfizer/BioNTech, 15 февралда эса AstraZeneca вакцинасини маъқуллаганди.

Johnson & Johnson компаниясининг вакцинаси 11 март куни Европа дори воситалари агентлиги томонидан маъқулланганди. Ушбу вакцинадан шунингдек, АҚШ, Канада ва Баҳрайнда ҳам фойдаланишга рухсат берилган. Johnson & Johnson вакцинасининг бошқаларидан фарқи шундаки, эмлашда иккита эмас, бир доза вакцинадан фойдаланилади.

Тайёрлаган Дилшод Аскаров

#вакцина #Johnson & Johnson

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.