Британия ядровий қуроллари сонини оширмоқчи – ОАВ

Хабар қилинишича, мамлакатдаги ядровий каллаклар сони 40 фоизга оширилади.

Фото: Tam McDonald/MoD/EPA

Буюк Британия ҳукумати Trident ядровий каллаклари сонига қўйилган чекловни бекор қилишга қарор қилди, деб хабар бермоқда The Guardian.

Нашрнинг маълумот беришича, бу ҳақда мамлакат бош вазири Борис Жонсон бугун эълон қилади.

Хабарда айтилишича, чеклов миқдори 180 донадан 260 донагача (40 фоизга) оширилади. Натижада Россия ва Хитой таҳдидига қарши қайта қуролланиш учун 10 млрд фунт стерлинг ажратилади.

Нашрнинг қайд этишича, фаоллар Британия бу қарори билан бутун дунё коронавирус пандемиясидан чиқишга уринаётган бир пайтда "янги ядро қуроллари пойгаси"ни бошлаб бериши мумкинлигидан огоҳлантирмоқда.