Galaxy A52 ва A72 смартфонлари симсиз тез қувватланиш хусусиятига эга бўлиб, ярим соат ичида 50 фоиз қувват олиши мумкин.
Samsung компанияси Galaxy A52 ва A72 смартфонлари тақдимотини ўтказди.
Гаджетлар 6,5 ва 6,7 дюймли Infinity-O AMOLED дисплейи ҳамда 64 мегапикселли камера билан жиҳозланган. Камера орқали 4К форматида видео суратга олиш мумкин.
Қурилмалар IP67 стандарти бўйича чанг ва сувдан ҳимояланган. A52 смартфонида аккумулятор ҳажми 4,5 минг мАс, А72 смартфонида эса - 5 минг мАс. Ҳар икки смартфон симсиз тез қувватланиш хусусиятига эга бўлиб, ярим соат ичида 50 фоиз қувват олиши мумкин.
Galaxy A52 ва A72 смартфонлари Dolby Atmos стереодинамиклари билан жиҳозланган.
Смартфонлар Snapdragon 720G процессорида ишлайди. Ҳар икки смартфон 4, 6 ёки 8 ГБ тезкор ҳамда 128 ёки 256 ГБ доимий хотирага эга.
Маълумот берилишича, 128 ГБ хотирага эга A52 нархи 365 ва A72 нархи 446 долларни ташкил этади.
