Европада пандемиянинг учинчи тўлқини бошлангани эълон қилинди

Европада коронавирус пандемиясининг учинчи тўлқини бошланди ва Евроиттифоқнинг турли мамлакатларида турлича суръатларда ривожланмоқда. Бу ҳақда Еврокомиссия расмий вакили Дана Спинант маълум қилди.

"Биз ЕИнинг турли мамлакатларида аста-секин ёки жуда тез кечаётган учинчи тўлқинни кўряпмиз. Аҳолини эмлашни тезлаштириш зарурлигини кўрмоқдамиз", деди у.

Аввалроқ Германия соғлиқни сақлаш вазири Йенс Шпан "Европада пандемиянинг учинчи тўлқинини тўхтатиш учун вакцина етарли эмас"лигини айтганди.

Маълумот берилишича, биринчи чоракда ЕИнинг 27 мамлакати Pfizer, Moderna, AstraZeneca компанияларидан 100 млн доза вакцина олиши мумкин. Бу илгари тузилган шартномалардагига нисбатан 40 фоизга кам демакдир. 

Ҳозирда Европанинг қатор мамлакатларида карантин чоралари қатъийлашмоқда.