Японияда 7,2 балли зилзила юз берди

Фото: globallookpress.com

Япония шимоли-шарқидаги Мияги префектураси соҳилларида 7,2 балли зилзила юз берди.

Зилзила 60 км чуқурликда юз берган.

Япония метеорология агентлиги баландлиги 1 метрли цунами юзага келишидан огоҳлантирди.

Зилзила туфайли Tohoku Electric Power Co компанияси Онагава атом электр станцияси фаолиятини вақтинча тўхтатган. Мияги префектурасидаги айрим уйлар электр энергиясисиз қолган.

Табиий офат оқибатида қурбон бўлганлар ёки жароҳатланганлар ҳақида маълумот келиб тушмаган.