Қўқондаги қотилликнинг янги тафсилотлари: воқеликка рашк сабаб бўлган

Жорий йилнинг 17 март куни Қўқон шаҳар "Азизтепа" МФЙда мудҳиш қотиллик жинояти содир этилганлиги ҳақида хабар берган эдик. Kun.uz мухбири мазкур воқелик бўйича янги тафсилотларни аниқлади.

Маълум бўлишича, Қўқон шаҳридаги «Азизтепа» маҳалла фуқаролар йиғинида яшовчи З.И. 17 март куни эри Д.И.га Туркия давлатига ишлаш учун кетмоқчи эканлигини айтади. Хотинини бошқа эркак билан топишиб олган деган гумонга борган эр Д.И. унга қаршилик кўрсатади. Натижада ўртада ўзаро жанжал келиб чиққан. Оқибатда эр яшаш хонадони омборхонасида турган мих суғурадиган асбоб билан ухлаб ётган хотинини қасддан бошига уриб, ўлдириб қўйган.

Мазкур ҳолат юзасидан Қўқон шаҳар прокуратураси томонидан фуқаро Д.И.га нисбатан Жиноят кодексининг тегишли моддаси билан жиноят иши қўзғатилиб, қамоқ эҳтиёт чораси қўлланилган. Ҳозирда тергов ҳаракатлари давом этмоқда.