Пахтаобод тумани «Мустақиллик» МФЙ ҳудудида 40 ёшли Мирзаҳром Х., шартли равишда мижоз сифатида жалб қилинган фуқарога 1000 АҚШ доллари эвазига ўткир ҳидли модда сотаётган вақтида ушланган.
Суд кимёвий экспертиза хулосасида Мирзабаҳром Х.дан олинган вазни 101,84 грамм модда гашиш гиёҳванд моддаси экани кўрсатилган. Бу ҳақда ИИВ ҳузуридаги Тергов департаменти хабар бермоқда.
Ҳолат юзасидан Пахтаобод тумани ИИБ ҳузуридаги Тергов бўлими томонидан Мирзабаҳром Х.га нисбатан Жиноят кодексининг 273-моддаси 5-қисми (Гиёҳвандлик воситалари, уларнинг аналоглари ёки психотроп моддаларни кўп миқдорда қонунга хилоф равишда сотиш) билан жиноят иши қўзғатилиб, процессуал тартибда ушланган.
Ҳозирда тергов ҳаракатлари олиб борилмоқда.
Аввалроқ Асака туманида кам таъминланган ва ишсиз фуқароларга ажратилган маблағларни талон-торож қилганлар фош этилгани хабар қилинган эди.
