Владимир Путин коронавирусга қарши эмланди

У қайси вакцина билан эмлангани маълум қилинмади.

Фото: Алексей Дружинин/ТАСС

Россия президенти Владимир Путин коронавирусга қарши эмланди. Бу ҳақда президент матбуот котиби Дмитрий Песков хабар берди.

«Путин коронавирусга қарши эмланди, у ўзини яхши ҳис қилмоқда. Эртага президент учун тўлиқ иш куни», деган Песков.

Олдинроқ Путин коронавирусга қарши эмлаш жараёни оммавий кўрсатилишини хоҳламагани маълум бўлганди. Песков бу ҳолатни изоҳлар экан Путинга камера қаршисида эмланиш ёқмаслигини айтганди. Президент матбуот котиби Путин вакцинани оммалаштириш учун шундоғам кўп иш қилаётганини эслатди.

Путин коронавирусга қарши қандай вакцина билан эмлангани маълум эмас. Аввалроқ у учун учта вариант борлиги айтилганди.

Тайёрлаган Ўткир Жалолхонов

#Россия #вакцина #Владимир Путин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.