Фото: Азия-Плюс | Все новости Таджикистана и мира
Жорий йилнинг 23 март куни Тошкент шаҳар ҳокими Жаҳонгир Ортиқхўжаев Тожикистоннинг Душанбе шаҳрига ташриф буюрди. Бу ҳақда Азия-Плюс нашри хабар берди.
Жаҳонгир Ортиқхўжаевни у ерда Душанбе шаҳар ҳокими Рустам Имомали кутиб олди. Учрашув давомида улар икки мамлакат пойтахтлари ўртасидаги ўзаро манфаатли муносабатларни кенгайтириш масалаларини муҳокама қилган.
Ҳокимият ва инфратузилмани ривожлантириш бўйича тажриба алмашиш, маданий-гуманитар алоқаларнинг қўшма ҳамкорлик лойиҳалари ва дастурларини амалга ошириш учун доимий алоқаларни ўрнатишга алоҳида эътибор қаратилди.
Ташриф доирасида Тошкент шаҳар ҳокими газланган ичимликлар ишлаб чиқарадиган "Сиёма" корхонасига ҳам ташриф буюрди.
