Pfizer ёш болаларда коронавирусга қарши вакцина синовини ўтказишни бошлади

Клиник синовларнинг биринчи босқичида 6 ойликдан 11 ёшгача бўлган 144 нафар бола қатнашади.

Фото: AP

Pfizer ва BioNTech 12 ёшдан кичик болаларда коронавирусга қарши вакцинаси синовини ўтказишни бошлади.

Хабар қилинишича, клиник синовларнинг биринчи босқичида 6 ойликдан 11 ёшгача бўлган 144 нафар бола қатнашади. Синовларнинг барча босқичларида эса АҚШ ва Европадан жами 4,5 минг нафар бола иштирок этади.

Клиник синовлар натижалари йилнинг иккинчи ярмида тайёр бўлиши мўлжалланган.

Аввалроқ Moderna ва AstraZeneca компаниялари болалар ҳамда ўсмирларда коронавирусга қарши вакцина синовларини бошлаганди, яқин кунларда Johnson & Johnson компанияси ҳам синовларни бошлаши кутилмоқда.

Pfizer 12-15 ёшли ўсмирларда вакцина синовини аввалроқ бошлаган бўлиб, синовнинг дастлабки натижалари яқин ҳафталарда тақдим этилади.