Нукусдаги боғчага ишга жойлаштириш учун 6,5 млн сўм талаб қилган фуқаро ушланди

Ҳолат Департаментнинг Қорақалпоғистон Республикаси бошқармаси, Қорақалпоғистон Республикаси прокуратураси, ДХХ ва Қорақалпоғистон Республикаси ИИВ ходимлари томонидан ўтказилган тезкор тадбирда аниқланган.

Нукус шаҳридаги МТТнинг тарбиячиси О.Б. исмли фуқарога юқори лавозимда ишловчи танишлари орқали ишга жойлаштириб қўйишни ваъда қилган.

Бунинг учун 29 март куни Нукусдаги  МТТ олдида келишилган 6,5 млн сўм пулдан 5 млн сўмини  фирибгарлик йўли билан олган вақтида ушланган.

Ҳолат юзасидан тарбиячига нисбатан жиноят иши қўзғатилган. Ҳозирда дастлабки тергов ҳаракатлари олиб борилмоқда.