Россия Словакиядан “Спутник V” вакцинасини қайтариб беришни сўради

 Россия тўғридан тўғри инвестициялар фонди (РФПИ) Словакия ҳукуматидан илгари етказиб берилган 2 млн доза “Спутник V” вакцинасини қайтаришини сўради. Бу ҳақда вакцина ишлаб чиқарувчисининг баёнотида айтилмоқда.

 "РФПИ 2021 йилнинг 6 апрелида Словакия ҳукуматига мактуб йўллаб, шартнома кўп бор бузилгани сабабли вакцинадан бошқа мамлакатларда фойдаланиш учун уни қайтаришни сўради", – дейилади хабарда.

Россия томонининг билдиришича, Словакия гиёҳванд моддаларни назорат қилиш институти амалдаги шартномани бузган ҳолда тақдим этилган “Спутник V” вакцинасини ЕИнинг дори воситаларини назорат қилиш бўйича расмий лабораториялари тармоғига кирмайдиган лабораторияда текширган.

Шу билан бирга, таъкидланишича, Словакия регуляторининг вакцина клиник синовлардан ўтган вакцина билан бир хил эмаслиги тўғрисидаги маълумоти "ёлғон ҳисобланади".

"Спутник V”нинг барча партиялари бир хил сифатга эга ва Гамелия институтида қатъий сифат назоратидан ўтади", – дейилади хабарда.

Эслатиб ўтамиз, Словакия бош вазири Игор Матович “Спутник V” вакцинаси сабабли истеъфога чиққанди. Мамлакатда ҳукумат инқирози Матовичнинг ҳали ЕИ маъқулламасдан туриб Россиядан коронавирусга қарши "Спутник V" вакцинасини олиб келишга қарор қилиши натижасида келиб чиққан можаро сабабли юз берди.