Афғонистонда икки соат ичида иккинчи зилзила содир бўлди. Унинг кучи Ўзбекистоннинг 6та шаҳрида сезилди

Фавқулодда вазиятлар вазирлиги Сейсмопрогностик мониторинг республика маркази хабарига кўра, 2021 йил 13 апрел куни Тошкент вақти билан соат 10:42да Афғонистонда яна бир зилзила содир бўлди.

Зилзила координаталари: 36,71 градус шимолий кенглик; 70,73 градус шарқий узунлик. Магнитуда М=5,4. Чуқурлик 191 км. Зилзила эпицентридан Тошкентгача масофа 523 км жанубий-шарқий йўналиш бўйича.

Ер силкиниши Ўзбекистон ҳудудида:

• Андижон: 474 км, 2 балл;
• Фарғона: 419 км, 2 балл;
• Гулистон: 453 км, 2 балл;
• Жиззах: 455 км, 2 балл;
• Самарқанд: 464 км, 2 балл;
• Термиз: 312 км, 2 балл.

Бундан олдин, Афғонистонда юз берган зилзила кучи Термизда сезилгани хабар қилинганди.