Қўшимча функционаллар
-
Тунги кўриниш
Zamin фонди 18та мактаб-интернатда IT ва робототехника синфларини ташкил этди
Zamin фонди Тошкент шаҳри ва вилоятларда эшитиш қобилияти заиф болалар учун ихтисослашган 18та мактабда IT ва робототехника синфларини ташкил этди. Фонд васийлик кенгаши раиси Зироат Мирзиёева иштирок этган тадбирда Zamineducation.uz онлайн таълим платформаси ишга тушгани ҳам эълон қилинди.

Фото: Zamin фонди
Ўзбекистонда 14 апрелдан бошлаб «Zamin Education» таълим платформаси ва синфлари фаолияти йўлга қўйилди.
Zamin фонди хабарига кўра, «Zamin Education» лойиҳасининг синов босқичи ижобий натижа бергач, уни бутун республика бўйлаб йўлга қўйишга қарор қилинган.
«Ўзбекистондаги эшитиш қобилияти заиф болалар учун ихтисослаштирилган 18та мактабда информатика синфлари замонавий ускуналар билан жиҳозланди. Лойиҳа доирасида ахборот технологиялари ва робототехника фанларини ўргатиш методологияси жорий этилди.
Zamineducation.uz онлайн таълим платформаси ишга туширилди», – дейилади хабарда.
Лойиҳа старт олиши муносабати билан Тошкент шаҳрида ташкил этилган тадбирда пойтахдаги 101-, 102- ва 106-ихтисослаштирилган интернат-мактаб ўқувчилари ва информатика фани ўқитувчилари иштирок этди.
Вилоятларда жойлашган мактаблар ўқувчилари эса тадбирда онлайн-видеоанжуман алоқаси орқали қатнашди.
Ушбу синфларда болаларга Scratch, Arduino, Minecraft дастурлаш тиллари ва робототехника асослари ўргатилади. Ушбу мактаблар ўқитувчилари тегишли малака ошириш курсларини тамомлаган.
Аввалроқ, мазкур 18та мактаб-интернатда йил давомида 234та компьютер ва 18та интерактив доска ўрнатилиши маълум қилинганди.
Маълумот учун, Зироат Мирзиёева раислигидаги Zamin фонди Ўзбекистонда инклюзив таълим шароитларини яхшилашни қўллаб-қувватлаб келади.
Хусусан, фонд ихтисослашган мактаблар ўқувчилари учун кохлеар имплантация (жарроҳлик йўли билан электрон протез ўрнатиш) дастурини йўлга қўйган. Бу орқали ҳар йили 30 нафар боланинг жарроҳлик амалиёти ўтказиб берилади.
Шунингдек, янги туғилган чақалоқларнинг эшитиш қобилиятини скрининг текширувидан ўтказиш, эшитиш қобилиятида нуқсон аниқланган болалар соғлиги учун зарурий чоралар кўриш лойиҳаси синов тариқасида Тошкент шаҳрида йўлга қўйилган.
Фонд 300 нафар кам таъминланган болаларда юрак операцияларини ўтказишини ҳам маълум қилган.
Тавсия этамиз
„Участкавой“ президент билан учрашувда капитанга айланди
Ўзбекистон | 15:27 / 11.07.2025
Трамп: НАТО Украина учун АҚШдан қурол сотиб олади
Жаҳон | 11:21 / 11.07.2025
Элдор Шомуродов Туркия клубига ўтди
Спорт | 11:12 / 11.07.2025
Таэквондочи Улуғбек Рашидов икки йилга дисквалификация қилинди
Спорт | 11:00 / 11.07.2025
Сўнгги янгиликлар
-
Евркомиссия раҳбари АҚШ божларига жавоб қайтаришга тайёрлигини маълум қилди
Жаҳон | 21:29
-
Санкт-Петербургда мигрантлар темир панжаралар орасида ётишга мажбур бўлаётганига изоҳ берилди
Жамият | 20:48
-
Миробод туманида таъмирланаётган бинода, Юнусободда эса кўп қаватли уйда ёнғин чиқди
Жамият | 20:34
-
АҚШ бош прокурори Трампга қарши ишларга алоқадор 20 дан ортиқ ходимни ишдан бўшатди
Жаҳон | 19:50
Мавзуга оид

22:31 / 28.02.2025
Зироат Мирзиёева International inclusive hub фаолияти билан танишди

07:52 / 13.11.2024
Зироат Мирзиёева COP29'да Ўзбекистон миллий павилиони билан танишди

20:10 / 12.11.2024
Зироат Мирзиёева Бокуда ёшларнинг иқлимга оид ташаббусларини кенг қўллаб-қувватлашга чақирди

17:54 / 16.10.2024