Россия Қримга Кавказдаги армиясини ташлади

Маълумотларга кўра, ушбу армия ҳарбийлари катта тажрибага эга: улар иккита чечен уруши, 2004 йилда Бесланда гаровга олинганларни озод қилиш операцияси ва 2008 йилда Жанубий Осетиядаги низода қатнашган.

Фото: РИА Новости

Россия ҳарбий машғулотлар доирасида Қримдаги Опук полигонига жанубий ҳарбий округнинг 58-умумқўшин армиясини ташлади. Бу ҳақда «Коммерсантъ» хабар берди.

Хабарда айтилишича, машғулотларда «Фагот» ва «Хризантема» танкка қарши бошқарилувчи мажмуалар операторларининг амалий кўникмалари текширилган.

58-умумқўшин армияси жанубий ҳарбий округ таркибидаги энг йирик армия ҳисобланади, унинг ҳарбий қисмлари Доғистон, Ингушетия, Кабарда-Болқория ва Шимолий Осетияда жойлашган.

13 апрел куни Россия ўзининг ғарбий чегараларига иккита армия ва учта ҳарбий-десант қўшинлари бирлашмасини жойлаштиргани хабар қилинганди. Мамлакат мудофаа вазири Сергей Шойгунинг сўзларига кўра, бундай қилинишига НАТОнинг ҳарбий фаоллиги сабаб бўлган.

Тайёрлаган Дилшод Аскаров

#Россия #армия #Қрим

2020 йил март ойи охирида украиналик ҳарбийлар Донбассдан берилган артиллерия зарбалари қурбони бўлди. Апрель ойи бошида Россия Украина билан чегарада қўшинларини тўплай бошлади.