Жорий йил 18 апрель куни соат 03:30 ларда, Поп тумани Тошкент—Ўш йўлининг 284-километрида, «Қўшминор» МФЙ ҳудудида, номаълум автомашина ҳайдовчиси автомашинасини Тошкент—Водий йўналиши бўйлаб бошқариб бораётиб, ҳаракат хавфсизлигини таъминлай олмай пиёдани уриб юборган. Натижада пиёда тан жароҳати олиб, воқеа жойида вафот этган.
Ушбу ҳолат бўйича вилоят ҳудудида «Тўсиб ушлаш» махсус режаси ҳаракатга келтирилиб, вилоят ИИБ ЖҚБ, ЙҲХБ ва туман ИИБ ходимлари томонидан олиб борилган тезкор-қидирув ва суриштирув ҳаракатлари натижасида, ушбу жиноятни, Андижон вилояти Андижон шаҳрида яшовчи, 1986 йилда туғилган фуқаро содир этгани аниқланган. Ҳайдовчи «МАН» русумли юк автомашинасини бошқариб бораётиб, пиёдани уриб юборган, унинг ҳаётини хавф остида қолдириб, ҳодиса жойидан кетиб қолгани аниқланган. Автомашина жарима майдонига тортилиб, тегишли кўргазмалар олинган.
Ушбу ҳолат бўйича туман ИИБ ҳузуридаги ТБ томонидан ЖКнинг 266-моддаси 2-қисми ва 117-моддаси 2-қисми билан жиноят иши қўзғатилган.
