Россия Қримда кенг миқёсдаги ҳарбий машғулотларни бошлади

Машғулотларга 10 мингдан ортиқ ҳарбийлар, 1,2 мингдан ортиқ ҳарбий техника, 40дан ортиқ жанговар кема ва 20та таъминот кемаси жалб этилган.

Фото: ТАСС

Қримда Россия қуролли кучларининг кенг миқёсдаги ҳарбий машғулотлари бошланди. Бу ҳақда «Интерфакс» хабар бермоқда.

Россия мудофаа вазирлигининг маълумот беришича, ҳарбий машғулотларда ўн мингдан ортиқ ҳарбий хизматчи қатнашмоқда.

Машғулотларга 1,2 мингдан ортиқ ҳарбий техника, 40дан ортиқ жанговар кема ва 20та таъминот кемаси жалб этилган.

Қайд этилишича, Россия мудофаа вазири Сергей Шойгу Қримга етиб келган. У жанговар техникалар жойлашган ҳудудларни кўздан кечирган ҳамда денгиз ва қуруқликдаги гуруҳларнинг тайёргарлигини назоратдан ўтказган.

Шойгу апрел бошларида Россия армиясининг жанговар тайёргарлиги текширувдан ўтказилишини эълон қилганди. Маълумот берилишича, апрел ойида бутун Россия бўйлаб 4048та турли миқёсдаги машғулотлар ўтказилади.

Тайёрлаган Дилшод Аскаров

#Россия #Қрим #ҳарбий машғулот

2020 йил март ойи охирида украиналик ҳарбийлар Донбассдан берилган артиллерия зарбалари қурбони бўлди. Апрель ойи бошида Россия Украина билан чегарада қўшинларини тўплай бошлади.