Қўшимча функционаллар
-
Тунги кўриниш
Туркияда давлат тўнтаришига уриниш иши бўйича 500дан ортиқ киши ҳибсга олинади
Маълумот берилишича, 532 нафар гумондорнинг 459 нафари ҳарбийлар ҳисобланади.
Туркия прокуратураси 2016 йилги давлат тўнтаришига уриниш иши доирасида мухолифатчи Фатҳуллоҳ Гулен ташкилотига алоқадорликда гумонланган 532 кишини ҳибсга олишга ордер берди. Бу ҳақда Deutsche Welle хабар қилмоқда.
Хабарга кўра, 532 нафар гумондорнинг 459 нафари ҳарбийлар ҳисобланади.
Мамлакатнинг 62 провинциясида ҳибслар амалга оширилган. Гумондорларнинг бир қисми Шимолий Кипр ҳудудида қўлга олинган.
Туркияда 2016 йил июлда давлат тўнтаришига уриниш амалга оширилганди. Расмий маълумотларга кўра, ўшанда 250 нафардан ортиқ киши ҳалок бўлган, икки мингга яқин киши жароҳатланган.
Туркия ҳукумати мазкур воқеада 1999 йилдан буён АҚШда яшаб келаётган мухолифатчи Фатҳуллоҳ Гуленни айблаган. Гуленнинг ўзи бу айбловни инкор қилган.
Мавзуга оид
17:32
Туркияда ўлдирилган ўзбек аёллари: фожиа қаерда бошланяпти?
18:17 / 15.06.2026
Туркиянинг зилзиладан жабрланган Ҳатай вилоятида Ўзбекистон маҳалласи очилди
15:55 / 13.06.2026
Туркияда 3 кунда 4 нафар ўзбекистонлик вафот этди
20:23 / 12.06.2026