Тошкент вилояти Бўстонлиқ туманида 3 нафар фуқарога тоғдан эсон-омон пастга тушиб олишларига ёрдам кўрсатилди.
Жорий йилнинг 26 апрель куни соат 17:10да Тошкент вилояти Чимён ёнғин-қутқарув отрядига келиб тушган хабарга кўра, Бўстонлиқ тумани Чимён дам олиш ҳудудида уч нафар фуқаро сайр қилиш учун тоғнинг баланд чўққисига чиқиб, пастга туша олмаётганликларини маълум қилган ва ёрдам сўраган.
Чимён ёнғин-қутқарув отряди қутқарувчилари зудлик билан айтилган манзилга етиб бориб, фуқароларни денгиз сатҳидан 2200 метр бўлган баландликдан соғ-саломат олиб тушишга муваффақ бўлган.
