Греция туристлар учун очилмоқда

Греция бош вазири Кириакос Мицотакис мамлакатдаги чеклов чоралари бекор қилиниши режасини эълон қилди.

Мамлакатда 3 майдан бошлаб мижозларга ташқарида хизмат кўрсатувчи ресторан ва қаҳвахоналар, 10 майдан эса мактаблар очилади.

15 майдан коронавирусга қарши вакцинанинг икки дозаси билан эмланган ёки манфий натижали тестга эга бўлган туристлар Грецияга карантинга риоя қилиш талабисиз келишлари мумкин бўлади.

Шу билан бирга мамлакатда амал қилиб келаётган комендантлик соати сақланиб қолади. Фақат эндиликда режим соат 21дан эмас, балки 23дан бошланади. 

Грецияда ўтган йил ноябрда локдаун режими жорий этилганди.  

 Worldometer сайти маълумотларига кўра, пандемия бошланганидан буён Грецияда 343 мингга яқин киши коронавирус юқтирган, 10,3 мингга яқин бемор вафот этган.