Ерга Хитойнинг назорати йўқотилган фазовий ракетаси қуламоқда
Ерга Хитойнинг назорати йўқотилган 21 тонналик «Чанчжэн-5» фазовий ракетаси қуламоқда. Астрофизикларнинг таъкидлашича, ракета қаерга тушишини олдиндан айтиш иложсиз.
У бирор бир аҳоли пунктига тушиши ҳам эҳтимолдан холи эмас. Ракета апрел охирида орбитага Хитойнинг биринчи коинот станцияси – «Тянхэ»нинг асосий модулини етказганди. Эндиликда ракетанинг марказий модули Ер атрофида 27,6 минг км/соат тезлик билан эркин айланиб, тобора пастламоқда.
Мутахассисларнинг таъкидлашича, қурилма Ерга 8 майдан 12 майгача оралиқда тушиши мумкин. Бироқ унинг Ер билан аниқ тўқнашиш вақтини бундан 6 соат олдингина айтиш мумкин бўлади.
«Энг ёмон вазиятда бу кичик самолётнинг қулашидек бўлади. Унинг бўлаклари юзлаб километрларга сочилиб кетиши мумкин», деб айтган Гарвард-Смитсон астрофизика маркази мутахассиси Жонатан Макдауэлл.
Унинг таъкидлашича, ракета атмосферанинг зич қатламларига қайтганидан кейин унинг қандай қисмлари қолиши номаълум, бироқ улар «зиён етказиш учун етарли бўлади».
Мавзуга оид
21:37 / 22.10.2024
Хитой Тайван яқинида яна ҳарбий ўқувларни ўтказди
14:32 / 22.10.2024
Хитойда полициячи фарзандини йўқотган аёл учун ўн йилдан бери ўғил ролини ўйнаб келмоқда
01:15 / 22.10.2024
АҚШ тез орада Хитойдаги сунъий интеллект технологияларига инвестиция киритишни чеклайди
20:18 / 21.10.2024