Миллий гвардияда хизмат қилиш орзуси саробга айланган китоблик йигит билан боғлиқ суд давом этди

3 май куни ўтказилиши лозим бўлган суд айрим сабабларга кўра икки кун қолдирилган ҳолда 5 май куни бўлди.

Унда гувоҳ Отабек Ҳақбердиев ва қўшимча гувоҳ Феруза Қосимова эркин кўрсатма берди.

Kun.uz мухбирининг хабар беришича, Отабек Ҳақбердиев воқеа бўлган куни кўчадан уйига машина билан кечки пайт келган. Машина ёнидан бир киши ўтганини, Шаҳзодлигини таҳмин қилгани учун машинадан тушиб чақирганида дарвозасини ёнига беҳол ўтирганини, юзидаги қонни кўрганини айтди.

«Китоб тумани шифохонасига олиб бордим. Отабек исмли шифокор Кўз касалликлари шифохонасига бориш кераклигини айтди. Шундан кейин Шаҳрисабз туманидаги Кўз касалликлари шифохонасига бордик, лекин 2 нафар ҳамширадан бошқа ҳеч ким йўқ экан. Шифокорлар маош тўланмагани учун иш ташлаш қилганлигини, Самарқандга олиб бориш лозимлигини айтишди» – дейди О.Ҳақбердиев.

Тун эканлиги ва «Damas» русумли машинада бўлганлиги, эрталаб ишга бориши лозимлиги сабабли Хадича опани куёви бошчилигида такси билан Самарқандга жўнатган.

Шундан кейин қўшимча гувоҳ Феруза Қосимова сўроқ қилинди. У Хадича опа билан аввалдан таниш бўлган. Воқеа ҳақида содир бўлган куннинг эртасига Хадича опани уйига келганида қўшниларидан эшитган. 2 кундан кейин қайта келганида опа уйда бўлиб, кирганида хонадонда деворлар, пардалар қон, ҳамма нарса сочилиб ётганини, терговчи Ҳулкар Неъматова гувоҳ сифатида ҳужжатга қўл қўйдирганини айтди.

Ф.Қосимова гувоҳлик беришича, терговчи Ҳ.Неъматова Хадича Ҳусинова билан орадаги шахс сифатида фойдаланган. Қарз шартномасидан кейин Жовли Хасановнинг уйи кадастр ҳужжатларини олиб берганини, ҳужжат Х.Ҳусинова олмагани учун ўзида турганини ҳам айтди.

Суд ҳужжатларига кўра, Дадахон Ҳасановга нисбатан Жиноят кодексининг 104-моддаси 2-қисми тегишли бандлари билан айблов эълон қилинган ва тергов даврида эҳтиёт чораси сифатида қамоққа олинган.

Суд иши 7 май санасига қадар танаффус эълон қилди.