Хоразм вилоятида фуқаролик ишлари бўйича судлар фаолияти ҳақида ахборот берилди

Хоразм вилоят судининг фуқаролик ишлари бўйича судлари томонидан 2021 йилнинг биринчи чорагида жами 3 552 та  фуқаролик иши кўриб тамомланган. 

Шундан, 2 622 та даъво қаноатлантирилган, 318 та даъво ариза рад этилган, 84 та фуқаролик иши иш юритишдан тугатилган ва 528 та даъво аризаси  кўрмасдан қолдирилган.

1142 та суд буйруғи чиқарилган ва унга асосан ундирувчилар фойдасига 1,6 млрд сўм, давлат фойдасига 300 млн сўм давлат божи ундирилиши  белгиланган.

Судлар томонидан ўтказилган сайёр қабулларда жами 33 нафар, суд биноларида эса 427 нафар фуқаролар қабул қилиниб, ҳуқуқий тушунтириш берилган.

Никоҳдан ажратиш ҳақидаги ишлар сони 493та бўлиб, шундан 314та даъво қаноатлантирилган ва 131та даъво аризаси рад этилган. 

27 та фуқаролик иши кўрмасдан қолдирилган. 21 та фуқаролик иши иш юритишдан тугатилган.

923 та иш сайёр суд мажлисларида кўрилган бўлиб, бу жами тамомланган фуқаролик ишларининг 26 фоизини ташкил этади.

Шунингдек, 2020 йилнинг шу даврида апелляция, кассация ва назорат инстанциясида жами 23 та ҳал қилув қарори бекор қилинган бўлса, жорий йилда бу кўрсаткич 12 тани ташкил этган.