ЖССТ Хитойнинг Sinopharm компанияси вакцинасидан шошилинч ҳолатларда фойдаланишга рухсат берди

30 апрел куни ЖССТ Американинг Moderna компанияси ишлаб чиққан вакцинадан шошилинч ҳолатларда фойдаланишга рухсат берганди.

Жаҳон соғлиқни сақлаш ташкилоти Хитойнинг Sinopharm компанияси ишлаб чиққан коронавирусга қарши вакцинадан шошилинч ҳолатларда фойдаланишга рухсат берди. Бу ҳақда ЖССТ бош директори Тедрос Аданом Гебрейесус маълум қилди.

«ЖССТ бугун Пекиннинг коронавирусга қарши Sinopharm вакцинасини шошилинч ҳолатларда фойдаланиш мумкин бўлган препаратлар қаторига киритди», деди у.

Унинг сўзларига кўра, бу ЖССТ хавфсиз ва самарали деб топган олтинчи вакцинадир.

Тайёрлаган Дилшод Аскаров

#вакцина #ЖССТ #Sinopharm

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.