Илон Маск руҳий муаммоси борлигини айтди
Америкалик миллиардер ва тадбиркор Илон Маск руҳий бузилиш – Аспергер синдромидан азият чекишини тан олди. Ушбу муаммо ижтимоий мулоқотдаги қийинчиликлар билан ифодаланади.
Tesla ва SpaceX компаниялари асосчиси бу ҳақида NBC телеканалидаги Saturday Night Live мусиқий-ҳажвий дастурга бошловчилик қилганда маълум қилди.
“Мен учун Saturday Night Live бошловчиси бўлиш катта шараф. Бугунги чиқишим – тарихийдир, чунки мен ушбу дастурнинг Аспергер синдромига эга биринчи бошловчиси бўламан. Жуда бўлмаса, буни тан олган биринчи бошловчисига айланаман”, деб айтган Маск.
У кириш нутқида Twitter’даги саҳифасида турлича қабул қилинувчи нарсаларни тез-тез ёзиши ҳақида ҳазиллашган.
“Миям шундай ишласа нима қилай?”, деб айтган тадбиркор.
“Мен электроавтомобилларни қайтадан ихтиро қилдим ва фазовий кемаларда Марсга одамларни жўнатмоқчиман. Сиз шунча қобилиятим билан мени оддийгина вазмин йигит, деб ўйлаганмидингиз?”, деб ҳазиллашган Маск.
Маълумотларга кўра, Аспергер синдромидан азият чекувчилар ўз ҳис-туйғуларини анъанавий усулда ифодалашда қийналадилар, уларда ижтимоий мулоқотда ва атроф-муҳитни идрок қилишда муаммолар юзага келади. Бу синдромга эга одамлардан аксарияти бор диққат-эътиборини ўзларининг аниқ бир қизиқишларига қаратиб, бу қизиқишлари атрофида муваффақиятли фаолият юритадилар.
Мавзуга оид
19:25
Илон Маск америкалик сайловчиларга пул тарқатмоқда. Бу қонунийми?
18:45 / 20.10.2024
Маск АҚШ президентлик сайловига қадар кунига 1 млн долларлик лотереяни эълон қилди
11:00 / 17.10.2024
Илон Маск Трамп кампаниясига 75 млн доллар хайрия қилди
21:35 / 15.10.2024