“Ўзсувтаъминот” департамент бошлиғи Зуҳриддин Зайниддиновнинг маълум қилишича, республика бўйича сув етказиб бериш ҳажми ортиб бораётганига қарамай, тўловлар ундирилиши 50-60 фоизлигича қолмоқда.
Тадбирда “Қарздорлик ҳолатларини бартараф этиш учун ичимлик сувини ҳам худди электр энергияси сингари автоматик узиб қўйиш тизимини йўлга қўйиш мумкинми?” дея сўралди.
“Биз бу масалани ўрганганмиз. Лекин ичимлик сувини узиб қўйиш санитар–гигиеник муаммоларни келтириб чиқаради. Айниқса юқори қаватли уйларда бундай чорани қўлламаган маъқул. Шунинг масаланинг сиёсий жиҳати ҳам бор. Омбудсман билан маслаҳатлашган ҳолда бу инсон ҳуқуқларига ҳам мувофиқ келмаслигини ҳисобга олганмиз. Истардикки, истеъмолчиларнинг ўзлари тушунган ҳолда қарздорликни бартараф қилишсин.
Гарчи узиб қўймасак-да, келажакда онлайн кузатувни амалга ошириш мумкин бўлган “ақлли ҳисоблагич”лар ўрнатиш бўйича музокаралар олиб боряпмиз”, деди Зуҳриддин Зайниддинов.
