25 май куни Тошкентдаги бир неча кўчалар вақтинча ёпилади

Тошкент шаҳридаги бир нечта кўчалар «Мўйноққа мадад» экологик хайрия веломарафони ўтказилиши муносабати билан 25 май куни соат 9:30дан 11:30гача ёпилади. Бу ҳақда Тошкент шаҳар ҳокимлиги ахборот хизмати хабар бермоқда.

1) Афросиёб кўчаси — «Ўзбекистон» метро бекатидан Нукус кўчасигача (Shox Med Center клиникаси);

2) Нукус кўчаси — Ойбек кўчасидан Фарғона йўли кўчасигача;

3) Абдулла Қодирий кўчаси — Фарғона йўли кўчасидан Қорасарой кўчасигача;

4) Қорасарой кўчаси — Абдулла Қодирий кўчасидан «Ҳазрати Имом» мажмуасигача;

5) Зарқайнар кўчаси — Қорасарой кўчасидан Ўзбек давлат циркининг пастидаги туннелгача;

6) Фурқат кўчаси — Ўзбек давлат циркининг пастидаги туннелдан Ислом Каримов шоҳкўчасигача;

7) Ислом Каримов шоҳкўчаси – Фурқат кўчасидан Афросиёб кўчасигача.

Ушбу йўл қисмларида тирбандликларнинг олдини олиш мақсадида ҳайдовчиларга айланма йўллардан фойдаланиш тавсия этилмоқда.