АҚШ БАА яқинида ушланган танкердаги Эрон нефтини сотиб юборди
АҚШ БАА яқинида ушланган Achilleas танкеридаги 2 млн баррелга яқин Эрон нефтини сотиб юборган. АҚШ сотилган нефтдан 110 млн доллар даромад олган. Бу ҳақда суд ҳужжатларига таяниб Associated Press ахборот агентлиги хабар берди.
Achilleas танкери феврал ойида БААнинг Фужайра амирлиги соҳиллари яқинида ушланганди. Суд ҳужжатларига кўра, танкер АҚШнинг аксилтеррорчилик қонунларига биноан мусодара қилиниши керак бўлган. Вашингтоннинг фикрича, АҚШда террорчи ташкилот деб топилган Эроннинг Ислом инқилоби муҳофизлари корпуси Хитойга нефт сотиш учун танкердан фойдаланган.
Прокурорларнинг таъкидлашича, юкни жўнатувчилар уни Ироқ нефти остида ниқоблашга уринган.
АҚШ танкерни Хьюстонга етказган ва ундаги 2 млн баррел нефтни 110 млн долларга сотиб юборган.
Аввалроқ АҚШ энергетика вазирлиги мамлакат 2020 йил октябрда 1,1 млн баррел Эрон нефт маҳсулотларини импорт қилганини маълум қилганди. Ахборот агентлигининг таъкидлашича, ушбу нефт маҳсулотлари ҳам мусодара қилинган бўлиши мумкин.
Мавзуга оид
11:20
АҚШ Исроилнинг Эронга зарбага тайёрланаётгани ҳақидаги маълумот сизиб чиққанини текширмоқда
10:30
Исроил бош вазири қароргоҳига ҳужумдан кейин Эронга таҳдид қилди
23:06 / 20.10.2024
Эрон ўзига ҳужум бўлган тақдирда Исроилдаги нишонларини белгилаб олди
18:45 / 20.10.2024