Ким Чен Ин омма олдида ориқлаб кетган ҳолда пайдо бўлди
Шимолий Корея етакчиси Ким Чен Ин бир ой ичида илк бор омма олдида кўриниш берди. Интернетда тарқалган сурат ва видеода уни ориқлаб кетган ҳолда кўриш мумкин. Бу эса унинг бетоблиги ҳақида гаплар тарқалишига олиб келди.
Таъкидланишича, Ким Чен Ин 2011 йилдан буён йилига ўртача 5-6 кг вазн йиғишни бошлаган. 2020 йилга келиб 140 кг тош босган.
Шимолий Корея етакчисининг ташқи қиёфасидаги бундай ўзгаришлар нима билан боғлангани ҳозирча номаълум. Бу унинг бетоблигидан ёки соғлом турмуш тарзига ўтганидан дарак бериши мумкин.
Kim Jong Un walking into the politburo meeting, from KCTV June 5. Also some hummingbird applause on the left there pic.twitter.com/Cpbum5Txgs
— Colin Zwirko (@ColinZwirko) June 5, 2021
Ким Чен Ин бундан олдин охирги марта 7 май куни Пхеньяндаги концертда кўриниш берган. 8 июнь куни у партия йиғилишини ўтказган.
2020 йил баҳорида ҳам Шимолий Корея етакчисининг муайян вақтга кўздан ғойиб бўлиши унинг жиддий касалликка учрагани ва ҳаттоки ўлгани ҳақида миш-мишлар тарқалишига олиб келганди. Бироқ у 20 кун ўтиб, 2 май куни Сунчхондаги ўғитлар ишлаб чиқариш заводи очилишида иштирок этиб, бундай гапларнинг «болалаши»га чек қўйганди.
Корея бўйича россиялик мутахассис Константин Асмоловнинг таъкидлашича, Ким Чен Иннинг ориқлаб кетгани унинг соғлиғидаги муаммолар билан боғланган бўлиши мумкин.
«Унда вазн тўплашга олиб келувчи наслий қанд касаллиги бор. Ким Чен Ин диабетнинг оғир шаклидан азият чекади ва ҳаттоки махсус пойабзал кийиб юришига тўғри келган. Бунга қон босими ва ишдаги стресс ҳам қўшилади. Эътибор берсангиз, у вақти-вақти билан, йилига тахминан бир марта 3-4 ҳафтага кўздан ғойиб бўлади. Тушунишимча, айнан шундай вақтда у тиббий кўрикдан ўтади. Ўтган йил Ким апрелда кўздан ғойиб бўлганда, саросима кўтарилиб, турли миш-мишлар ва ҳаттоки ўлгани ҳақида гаплар тарқалганди», деб таъкидлаб ўтган эксперт.
Мавзуга оид
16:31 / 18.10.2024
КХДР Украинадаги урушга 12 минг ҳарбийсини юбормоқчи — Жанубий Корея разведкаси
23:22 / 17.10.2024
Шимолий Кореяда чучхе календари бекор қилинди
19:27 / 17.10.2024
Шимолий кореялик ҳакерлар ядровий дастур учун 3 млрд доллар ўғирлаган — Microsoft
10:10 / 17.10.2024