Саудия Арабистони Ўзбекистонда 40та нодавлат боғча ташкил этилиши учун қарийб 11 млн доллар ажратади

Саудия Арабистони Тараққиёт жамғармаси ва Ўзбекистон Мактабгача таълим вазирлиги ўртасида мактабгача таълим ташкилотлари тармоғини кенгайтириш лойиҳаси муҳокама қилинди. 

Мактабгача таълим вазирлиги хабарига кўра, лойиҳанинг умумий қиймати 10.9 млн АҚШ доллари бўлиб, Саудия Арабистони Тараққиёт жамғармасининг кредит маблағлари ҳисобидан қопланади. 

Қайд этилишича, мазкур кредит маблағлари 40та давлат-хусусий шериклик шартлари асосидаги нодавлат мактабгача таълим ташкилотларини ташкил этиш учун йўналтирилиши режалаштирилган. 

Натижада, 4,5 минг бола мактабгача таълим билан қамраб олинади, дейилади Мактабгача таълим вазирлиги маълумотида.