Россияга уч йил ичида камида 5 млн нафар меҳнат мигранти жалб этилиши кераклиги айтилди

Бош вазир ўринбосари Марат Хуснуллиннинг сўзларига кўра, пандемия боис чегаралар ёпилгани ва 1990-йиллардаги демографик инқироз туфайли ҳозирда меҳнат ресурсларининг кескин етишмовчилиги кузатилмоқда.

Россия 2024 йилгача камида 5 млн нафар меҳнат мигрантини жалб этиши лозим. Бу ҳақда мамлакат бош вазири ўринбосари Марат Хуснуллин айтди, деб ёзади Российская газета.

Хуснуллиннинг сўзларига кўра, пандемия боис чегаралар ёпилгани ва 1990-йиллардаги демографик инқироз туфайли ҳозирда меҳнат ресурсларининг кескин етишмовчилиги кузатилмоқда.

Таъкидланишича, 2024 йилгача камида 5 млн нафар мигрант жалб этилиши лозим.

«Ҳозирда ҳукумат раисининг топшириғига кўра ёндашувларни ишлаб чиқмоқдамиз – булар қандай ресурслар, улар билан қандай ишлаймиз, улар мамлакат ривожига максимал ҳисса қўшишлари учун нима қиламиз», – деди у.

Аввалроқ Россиядаги мигрантлар учун мамлакатда ноқонуний бўлиб туриш муддати узайтирилганди.