Евроиттифоқ Россияга қарши иқтисодий санкцияларни узайтирди

ЕИ саммити Россияга қарши иқтисодий санкцияларни узайтиришга қарор қилди. Бу ҳақда Европа кенгаши раиси Шарл Мишел маълум қилди.

Ушбу қарор Минск келишувига амал қилиш билан боғлиқ.

«Биз Россияга қарши санкцияларни узайтирдик: Москва Минск келишуви тўлиқ таъминланиши учун ўзига боғлиқ барча ишларни бажариши керак»,— деб ёзди Мишел Twitter саҳифасида.

Саммит давомида қабул қилинган резолюцияда айтилишича, Европа кенгаши «Россия раҳбариятидан янада конструктив иштирок, улкан сиёсий ирода ва ЕИ, аъзо мамлакатлар ҳамда учинчи мамлакатларга қарши ҳаракатларни тўхтатишини кутади».  

ЕИ саммити 24-25 июн кунлари ўтказилди.