Туркия коронавирус сабабли олтита давлат билан авиаалоқани тўхтатади

Фото: Global Look Press

Туркия коронавируснинг янги штаммлари тарқалаётгани сабабли бир қатор давлатлар билан авиаалоқани тўхтатади. Бу ҳақда Туркия ички ишлар вазирлиги баёнотида маълум қилинган.

«Бангладеш, Бразилия, Непал, Ҳиндистон, Шри-Ланка ва ЖАР билан авиаалоқа 1 июлдан бошлаб кейинги кўрсатмагача тўхтатилади. Бу давлатлардан Туркияга тўғридан тўғри рейслар тақиқланади», деб айтилган баёнотда.

Таъкидланишича, ушбу давлатларда охирги 14 кун ичида бўлган фуқаролар Туркияга келишдан олдин 72 соат ичида топширилган манфий ПЦР-тест тақдим қилишлари лозим. Шундан кейин улар яна 14 кунлик карантинга жойлаштирилади.

Тайёрлаган Шуҳрат Раҳимов

#Туркия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.