Бош прокуратура ер назорати соҳасида махсус дастурни ишга туширди

Бош прокуратура томонидан самарали жамоатчилик назоратини ташкил этиш мақсадида “YER NAZORATI” махсус телеграм-бот дастури ишга туширилди.

Ушбу телеграм-бот орқали фуқароларда ўз ҳудудидаги ер майдонларидан фойдаланиш жараёнида йўл қўйилаётган қонунбузилиш ва бошқа ҳолатлар юзасидан тезкор маълумот бериш имконияти пайдо бўлмоқда.

“Ўз уйи, маҳалласига бефарқ бўлмаган, азиз ватандошлар, жамоатчилик назоратида фаол иштирок этинг. Унутманг, ернинг ҳар бир қаричи – сиз-у бизнинг, халқимизнинг мулкидир”, дейилади маҳкама хабарида.