Евроиттифоқда уй ҳайвонларини қафасда сақлашни тақиқлаш режалаштирилмоқда

Қайд этилишича, тақиқ товуқ, сигир, қуён, ўрдак ва ғозлар ҳамда бошқа жониворларга нисбатан жорий этилади.

Фото: Getty Images

Европа комиссияси Европа иттифоқида қишлоқ хўжалиги жониворларини қафасда сақлаш тақиқланишини қўллаб-қувватлашини эълон қилди, деб хабар берди Unilad.

Ушбу тақиқни жорий этиш бўйича кампания 1,4 миллиондан ортиқ имзо тўплагач, комиссия 2023 йилда қатор жониворларни қафасда сақлашни тақиқловчи қонунни таклиф қилиш мажбуриятини олди.

Қайд этилишича, тақиқ товуқ, сигир, қуён, ўрдак ва ғозлар ҳамда бошқа жониворларга нисбатан жорий этилади. Қонун 2027 йилдан кучга кириши кўзда тутилган.

Фермерларга қишлоқ хўжалик юритуви тизимини модернизация қилиш учун субсидиялар берилади.

#Евроиттифоқ