Қўшимча функционаллар
-
Тунги кўриниш
Ўзбекистонга яна битта «Afrosiyob» поезди олиб келинмоқда
Ўзбекистонга яна битта «Afrosiyob» поезди олиб келинмоқда. 11 та вагон ва иккита локомотивдан иборат поезд Санкт-Петербург портидан Ўзбекистонга жўнатиш учун ҳозирланмоқда. Бу ҳақда «O‘ztemiryo‘lyo‘lovchi» АЖ маълум қилди.
Қайд этилишича, жорий йил 30 июнь куни Испаниянинг Бильбао портидан кемага ортилган 2 та локомотив ва 11 та вагондан иборат «Afrosiyob» поезди Санкт-Петербург портига етиб келган. Шунингдек, мазкур поезд билан бирга яна 4 та алоҳида вагон ҳам келмоқда. Улар аввал келтирилган шу турдаги поездларда ишлатилиши мўлжалланган.
Таъкидланишича, айни кунларда «Ўзбекистон темир йўллари» АЖ мутахассислари россиялик ҳамкасблари билан ҳамкорликда мазкур замонавий поездни рельсга қўйиб Ўзбекистонга олиб келишга ҳозирлашмоқда.
Эслатиб ўтамиз, Ўзбекистон илк «Afrosiyob» поездини 2011 йилда қабул қилиб олган эди. Ўшандан кейин яна учта бу турдаги поездлар сотиб олинган.
Мавзуга оид
08:22 / 20.02.2026
Илк марта: самолёт ҳаракатланаётган поезд устига қўниб, яна осмонга кўтарилди
10:43 / 13.02.2026
Водий–Тошкент йўналишида қўшимча поезд рейслари йўлга қўйилди
11:00 / 28.01.2026
Россия армияси йўловчи поездига дрон билан зарба берди: ҳалок бўлганлар бор
15:21 / 26.01.2026