Нефт қазиб олувчи давлатлар 2021 йил охиригача нефт қазиб олиш ҳажмини оширишга келишиб олди.
Фото: Getty Images
18 июлда ОПЕК+ ташкилотига кирувчи давлатлар вазирлари онлайн форматдаги анжуманда августдан бошлаб жорий йил охиригача нефт ҳажмини кунига 0,4 млн баррелга кўтаришга келишиб олишди.
Шунингдек, нефт ҳажмини чекловчи келишув амал қилиши 2022 йил охиригача узайтирилди.
Бундан ташқари, ОПЕК+ алоҳида давлатлар учун нефт олиш ҳажмининг янги меъёрларини ўрнатди. Мисол учун, дунёдаги энг йирик нефт экспортчилари бўлган Россия ва Саудия Арабистони учун кунлик миқдор 11,5 млн баррел қилиб ўрнатилди.
