Қашқадарё ва Сурхондарёнинг чекка ҳудудларида яшовчиларни ичимлик сув билан таъминлаш учун 43та махсус машина берилди

Қашқадарё ва Сурхондарёнинг чекка ҳудудларида яшовчи, ичимлик сув муаммо бўлган аҳоли эҳтиёжини қондириш учун Хитойдан келтирилган 43та сув ташийдиган махсус машина берилган. Бу ҳақда «Ўзсувтаъминот» АЖ хабар бермоқда.

Маълум қилинишича, тоза ичимлик сув муаммо бўлган аҳоли эҳтиёжини қондириш учун «Ўзсувтаъминот» АЖ Хитой Халқ Республикасидан 80та тоза ичимлик сув ташувчи махсус автотранспорт воситаларини олиб келган.

Қайд этилишича, воҳадаги аҳолини тоза ичимлик суви билан таъминлашдаги мураккабликлар ва шароит инобатга олиниб, ушбу махсус техникаларнинг 25таси Сурхондарё вилоятига етказилган. Яна 18таси Қашқадарё вилоятига етказиб берилади. Қолганлари ҳам бошқа вилоятлар ўртасида тақсимланади.