Ўзбекистон қарийб 70 минг тонна помидор экспорт қилди. Бу ҳақда Давлат статистика қўмитаси хабар берди.
Қўмита маълумотларига кўра, Ўзбекистон 2021 йилнинг январь-июнь ойлари давомида қиймати 50,2 млн. AҚШ долларига тенг бўлган 69,0 минг тонна помидор экспорт қилган.
Бу 2020 йилнинг мос даврига нисбатан солиштирилганда 7 минг тоннага кам.
2021 йилнинг январь-июнь ойлари давомида Ўзбекистон помидор экспорт қилган асосий давлатлар:
- Россия – 36,2 минг тонна;
- Қозоғистон – 19,7 минг тонна;
- Қирғизистон – 11,0 минг тонна;
- Тожикистон – 1,9 минг тонна;
- Беларус – 53,6 тонна;
- АҚШ – 20,9 тонна;
- Афғонистон – 12,0 тонна;
- Украина – 9,1 тонна;
- БАА – 7,7 тонна;
- Германия – 0,5 тонна.