Толиблар Лашкаргоҳ шаҳри полицияси қароргоҳини эгаллаб олишга уринмоқда – ОАВ

Лашкаргоҳ шаҳрида уч кундан буён давом этаётган жанглар оқибатида 40 нафарга яқин тинч аҳоли қурбон бўлган ва 150 нафардан ортиғи жароҳатланган.

“Толибон” ҳаракати жангарилари Ҳилманд вилояти маъмурий маркази бўлмиш Лашкаргоҳ шаҳридаги полиция қароргоҳига ҳужум бошлади. Бу ҳақда Ariana News телеканали хабар берди.

Хабарда айтилишича, полиция қўмондонлиги қамалга тушиб қолган. Полиция бошлиғи яраланган.

Душанба куни толиблар шаҳардаги давлат телерадиомаркази биносини эгаллаганди.

Афғонистон армияси 215-корпуси генерали Сами Садат шаҳар аҳолисини “армия толибларга қарши йирик операция ўтказишни режалаштиргани сабабли уйларини тарк этишга” чақирган.