Ўзбекистонда 48 трлн сўмлик қурилиш ишлари бажарилди

Давлат статистика қўмитаси маълумотларига кўра, 2021 йилнинг январь-июнь ойларида Ўзбекистонда жами 48,6 трлн сўмлик қурилиш ишлари бажарилган.

Давлат мулкчилигидаги ташкилотлар томонидан жами 1,9 трлн сўмлик қурилиш ишлари бажарилди. Уларнинг республикадаги улуши 4,1 фоизга тенг.

Нодавлат мулкчиликдаги ташкилотлар томонидан 46,6 трлн сўмлик қурилиш ишлари бажарилди. Уларнинг республикадаги улуши 95,9 фоизга тенг.

Жами қурилиш ишлари ҳажми таркибида йирик қурилиш ташкилотлари томонидан 12,1 трлн сўмлик қурилиш ишлари бажарилган.

Кичик корхона ва микрофирмалар томонидан бажарилган қурилиш ишлари ҳажми 27,5 трлн сўмни ташкил қилган.