Лукашенко Беларуснинг Россия таркибига кириши эҳтимоли ҳақида гапирди

Беларус президентининг фикрича, иқтисодий интеграция учун давлатларнинг бирлашиши шарт эмас.

Фото: Reuters

Беларус президенти Александр Лукашенко ҳозирда Россия таркибига киришга зарурат йўқлигини айтди.

Унинг сўзларига кўра, айни пайтда иқтисодий интеграцияни ривожлантириш масаласи муҳокама қилинмаяпти.

«Биз суверен ва мустақил давлатмиз. Одамларимиз кўп асрлардан сўнг суверен ва мустақил бўлганимизни жуда қадрлайди. Россия таркибига кириш тўғрисидаги гапларни эшитганимда Путиннинг боши билан ўйлайман: Россияга яна битта бош оғриғи керакми? Йўқ», — деди Лукашенко.

Унинг сўзларига кўра, Россия президенти бу вазиятни тушунади.

Шунингдек, Лукашенконинг фикрича, иқтисодий интеграция учун давлатларнинг бирлашиши шарт эмас.

#Россия #Александр Лукашенко #Беларус