«Толибон» Афғонистондаги яна бир вилоят марказини қўлга киритди

Толибларнинг маълум қилишича, губернатор маъмурияти жангарилар назоратига ўтган.

Фото: Abdullah Sahil/AP

«Толибон» Афғонистоннинг Фараҳ вилояти маркази бўлган Фараҳ шаҳрини эгаллади. Бу ҳақда ҳаракат вакили Забиҳулло Мужоҳид ўзининг Twitter саҳифасида маълум қилди.

"Ислом амирлиги жангчилари "Ал-Фатҳ" операцияси давомида Фараҳ марказини қўлга киритди", — деб ёзди Мужоҳид.

Толибларнинг маълум қилишича, губернатор маъмурияти жангарилар назоратига ўтган.

Ўз навбатида, Tolo News телеканали Фараҳнинг катта қисми босиб олинганини хабар қилди.

9 август куни толиблар Саманганнинг Айбак шаҳрини ўз назоратига олгани ҳақида хабар қилинганди. Бундан олдин улар Нимроз, Жузжон, Кундуз, Сарипул ва Тахор вилоятлари пойтахтларини эгаллаб олган.