Беларусда президентликка собиқ номзод Дмитриев қўлга олинди

Андрей Дмитриев 2020 йил августда бўлиб ўтган президент сайловида амалдаги президент Александр Лукашенкога рақобатчилик қилган тўрт нафар номзоддан бири эди.

Фото: Наталия Федосенко/ТАСС

Беларус президентлигига собиқ номзод, «Говори правду» жамоат ташкилоти ҳамраиси Андрей Дмитриев қўлга олинди, деб хабар берди ташкилот матбуот хизмати.

«Ҳозирда Дмитриев қандай сабаб ва кимлар томонидан қўлга олингани номаълум», — дейилади ташкилот Telegram-каналида.

Андрей Дмитриев 2020 йил августда бўлиб ўтган президент сайловида амалдаги президент Александр Лукашенкога рақобатчилик қилган тўрт нафар номзоддан бири эди. Мамлакат марказий сайлов комиссияси маълумотига кўра, у 1,2 фоиз овоз тўплаган.

Сайловолди кампанияси давомида у сайловга қўйилмаган Сергей Тихановский, Виктор Бабарико ва Валерий Цепкалони қўллаб-қувватлаганди.