Хабар қилинишича, минтақага маршал Абдулрашид Дўстумга қарашли ўн минг нафар ҳарбий йўл олган.
Фото: AP Photo / Hamed Sarfarazi
Афғонистон собиқ вице-президенти Амрулла Солиҳга қарашли кучлар Парвон вилоятидаги Чорикор туманини «Толибон»дан тортиб олди. Бу ҳақда ўз манбаларига таяниб РИА Новости хабар берди.
«Ҳозирда Панжшер туманида жанглар бўлмоқда», — деган манба.
Хабарда айтилишича, минтақага маршал Абдулрашид Дўстумга қарашли ўн минг нафар ҳарбий йўл олган.
Чорикор орқали Кобул ва Мозори Шарифни боғлайдиган стратегик муҳим автойўл ўтган.
Аввалроқ Солиҳ президент Ашраф Ғани мамлакатни тарк этганидан сўнг конституцияга мувофиқ у давлат раҳбари ҳисобланишини айтган.
